Li garde si laline lé bon pou trapp son golèt'
Son boit' le zin son bann zapa son cigarett'
Li garde si lo siel lé bon si la mer i batt' pa tro
Attrap' sinkant' fran léssens' pou mètt' dann loto
Et li lé parti, pou dé macabi, dé cardinal ek dé zégui
Sa son nafèr' alé dobout' dann bor la mèr
Si tétrapode loswar li sot' koman kabri
Li la pa pèr' fénoir, li la pa pèr' la pli
Son savat' si son pié tonton touzour alèze
Kan li ékout' le brui la mèr loswar tap si la falèze
Sa son nafèr' alé dobout' dann bor la mer
Kan la pli lé tro glassé sou tinèl li ropoze
Profit' pass in koud' téléphone mannzelle mimose
Tantine di marmaille papa la trapp' in cari
Boklèr' la flame té kafrine la bec toute la nui...
(a tonton Alain)
