Mi rapèl in matin, ou la lèv' avan moin
Pou sof' in pé café, mi assiz' dann in coin
Et mi attann' mon gaté,
Ou amèn' enn ti plato, déssi na dé ti tass café so
Sou la miène lavé ènn ti mo
Déssi ènn ti morso papier té écri
I fé lontan nou viv ensamm mon chéri
Kossa ou attann pou di amoin doudou
Kafrine mi vé épouz aou
Et ce jour la moin la compri mon gaté
Que nout' dé toué lété vréman amouré
Mon tasse café la rofroidi lé pa grave
Mé mon sang té so kom la lav'
Alé sof in café pou moin kafrine
Apré na sof le li ensamm
Sirtou kan la pli i farine
Dan nout' vié li sora gadiamm
Et kom té i fé fré
Nou la retourné
Dessou la couèt' ma chérie
Et nou la failli kas' le vieu li
Ou la diamoin doudou si nou kas le li, lé pa grave
Na domann in nèv' dsi la liss mariage
Ce jour la moin la compri pou la vi
Ke li soi vié ou ke li soi in bon li
l'essensièl sèk koté ou moin lé toujours,
Et su li même nou i aime fé l'amour...