Ixf inu ghid ul gh usga yan
Ar nttals i wadân d ussan d iyyirn
ula yakw isgwasn lli yangh ibdân

Abrid nnan srk umzgh, igh ssudigh
ababbur ngh tamubil ngh iswingimn
Igh kin lkmegh han rad sunfugh
 
Isgwasn ayad did-k ngaragh
Tudrt immimn nkki ad siggilagh
Kra igat asgwas asighn adâr s darun
Tamazirt nkki amarg ns ingha yangh
 
Nkki ighbula d wakal n darngh
A igan atig i tudrt inw
Tigmmi ngh mzzin lligh lulagh
Aqqurn ngh ijjujutn lli-d munagh

Amzwag s uzmwag
Han mrwasn
Gh umnid n tît kiyyi ggamigh
Azwag asunfu ka gh akwn ttilîh
 
Tadêfi imik gad gant gh tma-nk
Atrs illan gh ugwens n wul inw
Isgwasn gudin gh izûran yakufn
Ikrracn gan inagan f iman
Isgwasn ayad jlan gh igharasn

Wejdigh zgh agwmmâd s wayyâd
Felgh tamazirt an yyi yumzn ul d iman
Kraygat asgwas ndder isbrrayn
ayllighn felgh tamazirt an, lligh d nlal

Agwmmâd an isgred mzzi nw
Bughlan tarwa-ns s idlesen gan mnnaw
Ntnnin a izêdarn ad aran imal
n tmazirt inu nkki lli ttirigh